នៅព្រឹកថ្ងៃសុក្រ ១២រោច ខែភទ្របទ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១៩ ខែកញ្ញា ឆ្នាំ២០២៥ អង្គភាពគ្រប់គ្រងគម្រោងប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម (ACSEP) បានរៀបចំកិច្ចប្រជុំត្រួតពិនិត្យឡើងវិញនូវការអនុវត្តសកម្មភាពគម្រោង (AWPB 2026) ក្រោមអធិបតីភាព ឯកឧត្តមបណ្ឌិត សរ ចិត្រា អគ្គលេខាធិការនៃក្រសួងកសិកម្ម រុក្ខាប្រមាញ់ និងនេសាទ និងជានាយកគម្រោង ACSEP និងមានការអញ្ជើញចូលរួមពីក្រុមការងារអនុវត្តគម្រោង និងភាគីពាក់ព័ន្ធជាច្រើនរូប។
កិច្ចប្រជុំបានទទួលទ្ធផលសំខាន់ៗដូចជា៖
១. បានពិនិត្យឡើងវិញនូវការអនុវត្តសកម្មភាពគម្រោង (AWPB 2026)
២. បានដោះស្រាយបញ្ហាប្រឈមមួយចំនួនដែលរាំងស្ទះដល់ការអនុវត្តសកម្មភាព
៣. ផ្តល់អនុសាសន៍ណែនាំ និងលើកវិធានការជំរុញការអនុវត្តឱ្យកាន់តែមានប្រសិទ្ធភាព និងឆាប់រហ័ស។