នាព្រឹកថ្ងៃអង្គារ ៧រោច ខែអស្សុជ​ ឆ្នាំម្សាញ់ សប្តស័ក ព.ស. ២៥៦៩​ ត្រូវនិងថ្ងៃទី១៤ ខែតុលា ឆ្នាំ២០២៥ ដោយទទួលបានការអនុញ្ញាត និងចាត់តាំងពី ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.)​ និងជាប្រធានគ្រប់គ្រងគម្រោង​ACSEP-PIU1, លោក​ ប៉ូ​ សំអាង​ ប្រធានផ្នែកប្រតិបត្តិការ​ អមដោយទីប្រឹក្សា​និងមន្ត្រីគម្រោង​ បានដឹកនាំប្រតិភូ​ ធនាគារអភិវឌ្ឍន៍អាស៊ី​ (ADB) ដេីម្បីចុះត្រួតពិនិត្យវឌ្ឍនភាពកិច្ច​គាំពារបរិស្ថាន​ និងសង្គម​ របស់សមាជិកសហគមកសិកម្មដែលទទួលបានឥណទានពី គម្រោង​ACSEP-PIU1 ចំនួន ៤គ្រួសារ សម្រាប់ប្រកបរបរដាំបន្លែ ក្នុងឃុំសង្វើយ និងឃុំឬស្សីលក ស្រុកជីក្រែង ខេត្តសៀមរាប។ បេសកកម្មនេះ មានគោលបំណង វាយតម្លៃការអនុវត្តកិច្ចគាំពារ បរិស្ថាន និងសង្គម ព្រមទាំងស្វែងយល់ពីការអនុវត្តជាក់ស្តែងនៃគម្រោងក្រោមក្របខណ្ឌរបស់ ADB។