នៅថ្ងៃព្រហស្បតិ៍ ៧កេីត ខែកក្តិត ឆ្នាំរោង ឆស័ក ព.ស.២៥៦៨ ត្រូវវនឹងថ្ងៃទី៧ ខែវិចិ្ឆកា ឆ្នាំ២០២៤ នៅទីរួមខេត្តកំពង់ចាម នាយកដ្ឋានកសិ-ឧស្សាហកម្ម អង្គភាពអនុវត្តគម្រោង សមាសភាគផ្នែកកសិ-ឧស្សាហកម្ម នៃគម្រោងប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម (ACSEP) បានរៀបចំវេទិកា IBPs ស្តីពី "ការកសាងភាពជាដៃគូធុរកិច្ចប្រកបដោយបរិយាបន្នរវាងសហគ្រាសកសិកម្ម សហគមន៍កសិកម្ម និងកសិករចិញ្ចឹមពូជមាន់ស្រុក" ក្រោមអធិបតីភាព លោក ឆេង វិបុលរិទ្ធ អនុប្រធាននាយកដ្ឋានកិច្ចសហប្រតិបត្តិការអន្តរជាតិ និងជាប្រធានគ្រប់គ្រងគម្រោង តំណាងដ៏ខ្ពង់ខ្ពស់ឯកឧត្តមបណ្ឌិត សរ ចិត្រា អគ្គលេខាធិការ នៃក្រសួងកសិកម្ម រុក្ខាប្រមាញ់ និងនេសាទ និងជានាយកគម្រោង ACSEP ដោយមានការអញ្ជើញចូលរួមពីតំណាងអង្គភាពគ្រប់គ្រងគម្រោង តំណាងក្រសួង ស្ថាប័ននៃគម្រោង ACSEP មន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម ការិយាល័យកសិ-ឧស្សាហកម្ម តំណាងសាជីវកម្មធានាឥណទាន ធនាគារអភិវឌ្ឍន៍ជនបទ និងកសិកម្ម ធនាគារស្ថាបនា សហគ្រាសកសិកម្ម សហគមន៍កសិកម្ម កសិករចិញ្ចឹមពូជមាន់ស្រុក ក្រុមហ៊ុន អ្នកប្រមូលទិញ និងអង្គភាពពាក់ព័ន្ធ សរុបចំនួន ៦៨រូប (ស្រ្តី ១៤រូប)។
វេទិកានេះមានគោលបំណង ដើម្បីបង្កេីតទំនាក់ទំនង និងកសាងភាពជាដៃគូធុរកិច្ចប្រកបដោយបរិយាបន្នរវាងសហគ្រាសកសិកម្ម សហគមន៍កសិកម្ម កសិករចិញ្វឹមពូជមាន់ស្រុក ក្រុមហ៊ុន និងអ្នកប្រមូលទិញនៅក្នុងខេត្តកំពង់ចាម ព្រមទាំងណែនាំអំពីផលិតកម្មកសិកម្មតាមកិច្ចសន្យា លិខិតបទដ្ឋានគតិយុត្ត គោលការណ៍ណែនាំ និងនីតិវិធី នៃការស្នេីសុំអនុវត្តផលិតកម្មកសិកម្មតាមកិច្ចសន្យា។