ថ្ងៃទី០៣ ខែមេសា ឆ្នាំ២០២៣ ក្រុមការងារនៃអង្គភាពគ្រប់គ្រងគម្រោងបានរៀបចំកិច្ចប្រជុំ Kick-Off ជាមួយក្រុមការងារបេសកកម្មធនាគារអភិវឌ្ឍន៍អាស៊ី ស្តីពីការពិភាក្សាលើបច្ចេកទេសរួមក្នុងគម្រោង ក្រោមអធិបតីភាព លោកបណ្ឌិត សរ ចិត្រា អគ្គលេខាធិការរងនៃក្រសួងកសិកម្ម រុក្ខាប្រមាញ់ និងនេសាទ និងជានាយកគម្រោង នៅទីស្តីការក្រសួងកសិកម្ម រុក្ខាប្រមាញ់ និងនេសាទ។ កិច្ចប្រជុំមានការចូលរួមពី តំណាងក្រសួងសេដ្ឋកិច្ច និងហិរញ្ញវត្ថុ ក្រសួងអភិវឌ្ឍន៍ជនបទ លោកប្រធានគម្រោង ប្រធានផ្នែក ប្រធានអង្គភាពអនុវត្តគម្រោងនៃខេត្តគោលដៅទាំង៦ សមាជិក សមាជិកាគម្រោង និងជំនាញការជាតិ និងអន្តរជាតិ។